مشاركة نادي توأمة طلاب الجامعات في زيارة مشروع معاً الى بريطانيا

انا حسن جمال بدي احكي عن تجربتي بهالمشروع مشروع معا انا من الناس الي شاركوا بالمشروع كامل يعني شاركت بال٣ تبادلات و الي هي كانت اولها بفرنسا و بعدها بفلسطين و بعدها ببريطانيا و بهالمشروع تعلمت كثيير شغلات و علمت و استفدت كثير بمشاركتي بالهمشروع الي عنجد اكثر من رائع بدي احكي بشكل مختصر لانو لو بدي احكي بالتفصيل بدي كثير وقت لاوصل الي انا شفتو و عرفتو و تعلمتو .
كانت اول محطات المشروع هي فرنسا في شهر اكتوبر الماضي و كان الهدف من هاض التبادل ( التمييز العنصري ) انا كنت مفكر لما طلعت ع فرنسا انو احنا بدنا نروح بس نحكيلهم عن النمييز عنا بفلسطين بين المواطن" الاسرائيلي " و الفلسطينيين بحكم انو جدار الفصل العنصري من اكبر طرق التمييز بين الشعب بس لما رحت غاد اكتشفت انو برضو بفرنسا في كثير تمييز عنصري من ناحية لون بشرة او عرق او دين ف كنا نحكي مع الناس الي بالشارع و سمعنا منهم و تعرفنا ع مشاكلهم و عرفنا انو مش بس فلسطين فيها تمييز لا كمان في بفرنسا تمييز و كبير كمان و تعلمت كثير شغلات بهاي السفرة من لغة فرنسية و عاداتهم و ثقافتهم و اسلوب حياتهم يعني كانت كثييير مفيدة بالنسبة الي .

اما المرحلة الثانية كانت بفلسطين و كانت بشهر ايبرل حيث انو جروب من الشباب البريطاني و جروب من الشباب الفرنسي اجو عنا ع فلسطين بهدف ( حقوق الانسا ) عشان يعرفوا اكثر عن فلطسين و الوضع الي فيها و حقوقنا الي مسلوبة منا عشان يعرفوها اكثر و يتعمقو فيها لانو ع ارض الواقع يكون اوضح من الحكي و لما اجول هان شافوا و تعرفوا ع فلسطين و مشاكلها و شافوا بعينهم شو بصير مع الشعب الفلسطيني من انتهاكات و مجازر بحقنا كشعب و عنجد كثير انبسطنا بجيتهم حتى اني حسيت حالي اني مسافر من بلدي و علمناهم ثقافتنا و بعض شعبياتنا و لغتنا و كانت ايام عنجد رائعة و كنت اتمنى لو انو الفترة لطول عشان يعرفو اكثر و اكثر عن فلسطين و انتهاكات الاحتلال

المرحلة الثالثة من المشروع كانت في بريطانيا و كانت في شهر سيبتمبر الماضي حيث انو كان الهدف من التبادل (التحدث مع الناس ) و بما انو الهدف منو الحكي مع الناس و السماع منهم و انهم يسمعول منا كانت في عنا كثير من الاجتماعات مع ناس من بريطانيا كانوا يسالونا عن حياتنا و عن الوضع عنا و كانت اسئلتهم بتدل ع انهم مهتمين بالقضية الفلسطينية و من الشغلات الي اكتسبتها هناك انو تعرفت ع ناس جداد و تقويت باللغة الانجليزية اكثر و صار عندي القدرة في اني ادخل بناقاشات و اعبر عن رايي بكل سهولة و سلاسة و اني اوقف كدام الناس بغض النظر عن اعمارهم او عدد و احكي عن قضيتي و حياتي بكل فخر كدام الناس و هاض اشي كثيير رائع ، بس كان انو في بعض المشاكل بانو ما في وقت كفاية انو نروح و نتعرف ع البلد اكثر و ع معالمها السياحية و الترفيهية لانو كان في عنا مشروع و كان عنا كثير شغل و عنا التزامات لازم نخلصها بس ان شاء الله بالمرات القادمة بصحلي الشرف اني ازورها كمان مرة و اتعرف اكثر ع الناس الي هناك و ع حياتهم و عن البلد نفسها .

و في النهاية بحب اشكر كل من ساهم في انجاح المشروع و بحب اشكر كل من وقف معنا و كان معنا في رحلتي سواء من فرنسا او من بريطانيا لانهم عنجد ما قصرو و عملو كل اشي بقدرو عليه عشان تكون رحلتنا حلوة و بشكر ارازمس بلس و كادفا و كامدن ابوديس بالاخص الي سمحتلي اني اكون واحد من هاض المشروع العنجد اكثر من رائع و شكر خااااص طبعا للقائد عبد الوهاب صباح و امنا و معلمتنا و قائدتنا ننديتا الي كانت رائعة بكل ما تحمله الكلمة من معنا ووبشكرهم ع وقفتهم معنا و قوتهم و قدرتهم و حكمتهم على انجاح هاض المشروع الي عنجد اكثر من رائع و بتمنالكم التوفيق في القادم ان شاء الله
بكفي والله تعبت عليه😂